RSS

திருக்கோவலூர் ஆயனார் திருக்கல்யாண மஹோத்சவ உத்சவம் அன்று எடுக்கப்பட்ட புகைப்படங்கள்:(பங்குனி பிரம்மோத்சவம் – ஏழாம் திருநாள்)

http://tirukkovalur.blogspot.com/2013/03/blog-post_27.html

தாசானு தாசன்
இராமானுஜ சிஷ்யன்

 

திருநெடுந்தாண்டகம் ஏழாம் பாசுர அர்த்தம்:

ஸ்ரீ:
ஸ்ரீமதே இராமாநுஜாய நம :
ஸ்ரீமத் வரவர முநயே நம :
ஸ்ரீ பாலதந்வி குரவே நம :

பாசுரம்:

வற்புடைய வரை நெடுந்தோள் மன்னர் மாள*
வடிவாய மழுவேந்தி உலகம் ஆண்டு*
வெற்புடைய நெடுங்கடலுள் தனிவேல் உய்த்த*
வேள் முதலா வென்றானூர் விந்தம் மேய *
கற்புடைய மடக்கன்னி காவல் பூண்ட*
கடிபொழில் சூழ் நெடுமறுகில் கமல வேலி*
பொற்புடைய மலை அரையன் பணிய நின்ற*
பூங்கோவலூர் தொழுதும் போது நெஞ்சே*

பாசுர அர்த்தம்:

ஆறாம் பாசுரத்திலே “பூங்கோவலூர் தொழுதும் போது நெஞ்சே” என்று திருக்கோவலூரைத் தொழுகைக்காகத் திருவுள்ளத்தை அழைத்தார். எம்பெருமானும் உலகளந்த திருக்கோலத்திலே சேவை சாதிக்க, எம்பெருமானுடைய திருக்கல்யாண குணங்களை அனுசந்தித்தவாரே இந்த வஸ்துவுக்கு என்ன அவத்யம் ஏற்படுமோ என்று அஞ்சினாராம் ஆழ்வார்.

சக்ரவர்த்தித் திருமகன் சுக்ரீவனுக்கு தம் தோள் வலிமையைக் காட்டிக்கொடுத்தது போலே, திருக்கோவலூர் ஆயனாரும் தம் மிடுக்கையும், காவலுரைப்பையும் ஆழ்வாருக்கு காட்டிக்கொடுக்க, அச்சம் தவிர்த்து தெளியப் பெற்று இப்பசுரத்திலும் பூங்கோவலூர் தொழுதும் போது நெஞ்சே என்று தம் திருவுள்ளத்தை தட்டி எழுப்புகிறாராம்.
“வற்புடைய வரை நெடுந்தோள் மன்னர் மாள வடிவாய மழுவேந்தி” என்றது பரசுராம அவதார பரம். உலகமானது என்றது ஸ்ரீராம அவதார பரம். “வெற்புடைய நெடுங்கடலுள் தனிவேல் உய்த்த வேள் முதலா வென்றான்” என்றது ஸ்ரீ கிருஷ்ணாவதாரத்தின் பாணாசுர விஜயபரம். இவையே ஆழ்வாருடைய அச்சம் தீர்வதற்கு எம்பெருமான் காட்டிக்கொடுத்த மிடுக்குகளாம்.

“வெற்புடைய நெடுங்கடலுள் தனிவேல் உய்த்த வேள் முதலா வென்றான்” என்றது
முன்னொரு காலத்தில் மலைகள் அனைத்தும் தம் இறகுகளுடன் கூடிப்பரந்து, ஆங்காங்கு உள்ள நகரங்கள் மற்றும் கிராமங்கள் மீது விழுந்து அழித்துக் கொண்டு திரியுங்கால் தேவேந்திரன் வஜ்ராயுதத்தால் மலைகளின் இறகுகளை அருத்தொழிக்க, மைநாகமலை என்ற ஒரு மலை மட்டும் அவனிடம் இருந்து தப்பித்து கடலுக்குள்ளே கிடக்க, தேவ சேனாதிபதியான சுப்பிரமணியன் இதை அறிந்து தனது வேற்படையைச் செலுத்தி அம்மலை நலிந்ததாம். இப்படிப்பட்ட மகாவீரனான சுப்பிரமணியன் போல்வாரையும் பாணாசுர யுத்தத்தின்போது பங்கபடுத்தின விதம் இங்கு அனுசந்திக்கப்படுகிறது.

வேள் என்ற வார்த்தைக்கு மன்மதனைப் போன்று அழகில் சிறந்தவன் என்ற பொருள் ஆகும். வேதம் தமிழ் செய்த மாறன் சடகோபனும், ஆழியெழ என்று தொடங்கும் திருவாய்மொழி பதிகத்திலே “நேர் சரிந்தான் கொடிக் கோழி கொண்டான்” என்று பாணாசுர வ்ருத்தாந்தத்தை முன்னமே அருளிச்செய்து உள்ளார்.

இப்படி பரசுராமனாகவும், ஸ்ரீராமனாகவும் திருவவதரித்தும், சுப்பிரமணியன் முதலான தேவதைகளை பாணாசுர யுத்தத்திலே தோல்வி அடையச் செய்த எம்பெருமான் எழுந்தருளி இருக்கும் இடமும், விந்திய மலையில் வாழ்ந்த ஸ்ரீ விஷ்ணு துர்கையால் காவல் செய்யப்பெற்றதும், எங்கு பார்த்தாலும் நறுமணம் மிக்க சோலைகளால் திருவீதிகளை உடையதும், சுற்றிலும் தாமரை தடாகங்களை உடையதும், பரம்பரையாக அரசர்களால் ஆச்ரயிக்கப் பட்ட திருக்கோவலூரை மனமே தொழுவோம் வா என்று அழைக்கிறார் ஆழ்வார்.

அடியேனுடைய சிற்றறிவுக்கு எட்டின அளவிலே எழுதியுள்ளேன். அடியேனது உரையில் குற்றம் குறை இருக்குமாயின் அடியேனைத் திருத்திப் பணிகொள்ள பிரார்த்திக்கிறேன்.

தாசானு தாசன்
இராமானுஜ சிஷ்யன்

 

திருநெடுந்தாண்டகம் ஆறாம் பாசுர அர்த்தம்:

ஸ்ரீ:

ஸ்ரீமதே இராமானுஜாய நம:

ஸ்ரீமத் வரவர முநயே நம:

ஸ்ரீ பாலதந்வி குரவே நம:

பாசுரம்:

அலம்புரிந்த நெடுந்தடக்கை அமரர் வேந்தன்*

          அஞ்சிறைப் புள் தனிப்பாகன் அவுணர்க்கு என்றும்*

சலம் புரிந்து அங்கு அருள் இல்லாத் தன்மையாளன் *

           தான் உகந்த ஊரெல்லாம் தன் தாள் பாடி*

நிலம் பரந்து வரும் கலுழிப் பெண்ணை ஈர்த்த*

           நெடுவேய்கள் படுமுத்த முந்த உந்தி*

புலம் பரந்து பொன் விளைக்கும் பொய்கை வேலிப்*

          பூங்கோவலூர் தொழுதும் போது நெஞ்சே!

ஆறாம் பாசுர அர்த்தம்:

ஐந்தாம் பாசுரத்தில் திரிவிக்கிரம அவதார விசேஷத்தை அனுபவித்தார் ஆழ்வார். அனுபவத்தோடு மட்டும் அல்லது – திரிவிக்கிரம அவதாரமானது என்றோ நடந்த அவதாரமாயிட்ரே – நாம் கண்களால் கண்டு அனுபவிக்க முடியாமல் போனதே என்று வருந்தியிருக்க – அடியாருக்கு எளியவனான எம்பெருமானும் ஆழ்வீர் அவதார காலத்துக்கு பிற்பட்டோரும் கண்டு அனுபவிக்க வேணும் என்பதற்காக அன்றோ நாம் திருக்கோவலூரில் சந்நிதி பண்ணி இருப்பது; என்று உலகளந்த திருக்கோலத்திலே சேவை சாதிக்கும் திருக்கோவலூரை காட்டிக் கொடுத்தானாம் ஆழ்வாருக்கு.

போதும் போதும் என்று சொன்னாலும் அபாரமாக அள்ளி அள்ளி கொடுக்க வல்ல பெரிய கையை உடையவனும், நித்ய சூரிகளுக்குத் தலைவனும், அழகிய சிறகை உடைய பெரிய திருவடிக்குப் பாகனும், அசுரப் பிரக்ருதிகள் பக்கல் சீற்றம் கொண்டு அவர்கள் விஷயத்தில் எப்போதும் சீற்றத்துடன் இருப்பவனும்(அஹங்கார மமகாரங்களோடு கூடினவர்களாய் பகவத் பக்தியிலே பகை உள்ளவர்களை அசுரப் பிரக்ருதிகள் என்று சொல்லப் படுகிறார்கள்) இப்படி எம்பெருமான் உகந்து எழுந்தருளி இருக்கும் ஊர்களை எல்லாம் பாடிக்கொண்டு, பெண்ணை ஆறு என்னும் பெண்மணி திருக்கோவலூர் ஆயனாரை அனுபவிக்கப் போகிறோம் என்ற சந்தோஷ மிகுதியாலே கரையையும் தாண்டி குடியிருப்பு பகுதிகளில் உள்புகுந்து, வெள்ளத்தால் கொண்டு வரப்பட்ட பெரிய மூங்கில்களிலிருந்து உண்டாகிற முத்துக்களை வயலிலே கொண்டு தள்ள, உழவர்களும் அவை தம்முடைய பயிர்களுக்கு களை என்று தள்ள, அப்படித் தள்ளியும் தடுக்க முடியாத படிக்கு வயல்களில் பறந்ததாம் முத்துக்கள்.இப்படி வயல்களிலே பொன் போன்ற நெற்ப்பயிர்கள் விளையப்  பெற்ற பூங்கோவலூரை சேவிப்போம் – நெஞ்சே வா! என்று மங்களாசாசனம்.

 

இந்த உரையில் குற்றம் குறை இருக்குமாயின் அடியேனைத் திருத்திப் பணிகொள்ள பிரார்த்திக்கிறேன்.

தாசானு தாசன் 

இராமானுஜ சிஷ்யன்.

 

 

 
Image

திருநாங்கூர் பதினோரு கருட சேவை

ThaiAmavasyai1

ThaiAmavasyai2

ThaiAmavasyai3

ThaiAmavasyai4

 

திருவாலி ஸ்ரீ பவித்ரோத்சவ பத்திரிகை

 

அலகரை ஸ்ரீ வெங்கடேச பெருமாள் கோவில் திருப்பவித்ரோத்சவம்

[galleஅலகரை ஸ்ரீ வெங்கடேச பெருமாள் கோவில் திருப்பவித்ரோத்சவம் அலகரை ஸ்ரீ வெங்கடேச பெருமாள் கோவில் திருப்பவித்ரோத்சவம் ry]

 

திருநெடுந்தாண்டகம் ஐந்தாம் பாசுரம்:

ஸ்ரீ:
ஸ்ரீமதே இராமானுஜாய நம:
ஸ்ரீமத் வரவர முநயே நம:
ஸ்ரீ பாலதந்வி குரவே நம:

பாசுரம்:

ஒண்மதியிற் புனலுருவி ஒருகால் நிற்ப ஒரு காலும் காமருசீர் அவுனனுள்ளத்து
எண்மதியும் கடந்து அண்டம் மீது போகி இருவிசும்பினோடு போய் எழுந்து* மேலைத்
தண்மதியும் கதிரவனும் தவிரவோடித் தாரகையின் புரந்தடவி அப்பால் மிக்கு*
மண் முழுதும் அகப்படுத்து நின்ற வெந்தை மலர்புரையும் திருவடியே வணங்கினேனே*

பாசுர அர்த்தம்:

நான்காம் பாசுரத்திலே திருவஷ்டாக்ஷர மகாமந்திரத்தை ஸ்மரித்தார். இந்த பாசுரத்திலே நாராயணா என்ற திருநாமத்தின் அர்த்தமான வ்யாபகத்வத்தை த்ரிவிக்ரம அவதார விசேஷத்திலே இட்டு மங்களாசாசனம் பண்ணுகிறார்.

எம்பெருமானுடைய ஒரு திருவடியானது த்ரிவிக்ரம அவதாரத்தின் போது பூமி, சப்த சாகரங்கள், சப்த த்வீபங்கள் எல்லாவற்றையும் தாண்டி அண்ட கடாஹத்துக்கும் அப்பால் உள்ள ஆவரண ஜலத்தளவும் ஊடுருவிச் சென்று நின்றதாம். எம்பெருமானின் மற்றொரு திருவடியானது மகா பாக்யசாலியான மகாபலியானவன் தன் நெஞ்சிலே நினைத்திருந்த நினைவைத் தாண்டி, ஆகாசம் சூர்யமண்டலம், சந்திரமண்டலம் மற்றும் நக்ஷத்ர மண்டலம் ஆகிய அனைத்தையும் கடந்து ப்ரம்ஹ லோகத்தளவும் வியாபித்து நின்றதாம். இப்படி ஈரேழு பதினான்கு லோகங்களையும் ச்வாதீனப் படுத்திக்கொண்ட தாமரையையொத்த எம்பெருமானுடைய திருவடிகளை வணங்கப் பெற்றேன் என்று ஆழ்வார் இந்த பாசுரத்திலே தெரிவிக்கிறார்.

அடியேனுடைய சிற்றறிவுக்கு எட்டின அளவிலே எழுதியுள்ளேன். குறை இருக்குமாயின் அடியேனைத் திருத்திப் பணிகொள்ள பிரார்த்திக்கிறேன்.

தாசானு தாசன்

இராமானுஜ சிஷ்யன்

 
 
Follow

Get every new post delivered to your Inbox.